నాలో మిగిలి ఉన్న
కాస్తంత మంచితనాన్ని కూడా
ప్రలోభపెడుతూ
నీ లోని స్వచ్చత
ఒక ఆశావహ పరిపూర్ణతై
నీ స్పర్శతో
నాలో ఎన్నెన్నో వింత మార్పులు
నా న్యాయ విరుద్ధపు
అవినీతి ఆలోచనలు, వాటితో పాటు
నేనూ ప్రభావితమై
న్యాయ
ధర్మ రూపిణివై నీవు
ఎప్పుడూ తప్పులు మాత్రమే చేసే
దుష్ట రాక్షస ప్రవృత్తి
రూపాన్నై నేను
నా ఎండిపోయిన పెదాలమీంచి
దొర్లిన
ప్రతి నిరుపయోగ పలుకు అర్ధమూ
నీవు ముద్దాడుతూనే
పరమ పవిత్రంగా మారి
నా నరనరాల్లోనూ మంటలు
విపరీతత్వం, పోషించబడిన వక్రబుద్ధి
దహించుకుపోతూ
ప్రేమ, గాంభీర్యమూ
ఒకదాన్నొకటి వ్యతిరేకిస్తూ
ఈ అనిశ్చితి
ఎందుకో?
ఒక ఓడిపోయిన ప్రేమికుడ్నై నేను
లొంగిపోయి
తలొంచుకుని నీ ముందిలా
No comments:
Post a Comment