పరిపూర్ణ భావన

 







ఎవరివని ఏమని చెప్పను
నీవే అని ....

పరిపూర్ణపదాల్లో 

నిర్వచించాల్సొస్తే ....
నీ, నా పరిశుద్ధ ప్రేమను

నీవు, ఒక నమ్మరాని,
అవిశ్వసనీయ, అద్భుత,
అత్యాశ్చర్యకర కలవు  

దివి నుంచి దిగి వచ్చిన
సౌందర్యం రూపానివి 

 










ప్రేమించాలి .... నిన్ను
నీతో .... పరిపూర్ణంగా
మమైకం కావాలి

మైకం కలుగచేసే తియ్యని
స్వరమాధుర్యం   
తాళ, లయ సంతులన
పద చిత్రం నీవు 

నా శరీరాన్నీ నన్ను
ప్రభావితం చేసిన 
పరిపూర్ణ పద హృదయానివి

పూర్ణత

 












అన్నావు గుర్తుందా
నాకు తెలియని నిజం ఇది అని
ఒక చీమను నలిపేసినట్లు
నలిపేస్తుంది ప్రేమ .... అని
మార్చుతుంది 
నన్ను, నా జీవన సరళిని
నా ఆత్మాభిమానాన్ని .... అని

అన్నావు
వ్యామోహంలో ఉంచుతుంది
సృష్టి లో ఉన్న అందం ఆనందం
అన్నీ పొందబోతున్న భావనను
ముందుంచుతుంది అని
నిజమా!? అని
ఒక్క క్షణమైనా ఆగి ప్రశాంతంగా
ఆలోచించనివ్వదు అని

అన్నావు
బ్రహ్మాండమంత ఆనందం అనుభూతి
కొన్ని క్షణాల్లోనే ముందుండడం
పొందడం .... నిజంగా
నిజమా! సాధ్యమా? ఎలా?? అని
అన్నావు 
ఇంద్రియజాలంలో పడి
పరిపూర్ణులు కారెవ్వరూ అనీ

 










కానీ
నాకు మాత్రం ఎందుకో ....
నలిగిపోవడం కరిగిపోవడంలో
సారం గమ్యం ఉందనిపిస్తుంది.
ఒకరు మరొకరిలో
మమైకం కావడం లో
పరిపూర్ణత అర్ధం ఉందేమో అనిపిస్తూ

దూరం ఎంతున్నా

వెన్నెల పరిచిన
చందమామ
రాత్రుల్ని
నీవు
స్పష్టంగా చూసుంటావు.

ఎన్నిసార్లో

అలా చూసిన  
ఏసారైనా
నేన్నీకు
గుర్తుకొచ్చానా? 

ఎన్నో
వేల మైళ్ళ
దూరంలో
ఉన్నా 

ఆలాంటి
ప్రతి పున్నమిరాత్రీ

నిన్నూ
జ్ఞాపకాలనూ
నెమరేసుకుంటున్న
నా లాగా!