సున్నితంగా తీసుకోవాలనుంది
చేతుల్లోకి .... ఇరు హృదయ మనోరధాన్ని
ఒక పసి పువ్వును .... నిన్ను,
నీవు కదులుతున్నావనే .... వాత్సల్య భావనే
బలమైన ప్రేమ రాగమై
మధురమైన ఒక లాలిపాటను పాడాలని.
ఊ కొట్టలేక. శక్తి లేక, వంగిపోయి
మెత్తని దూదిముద్దలా .... నా చేతుల్లో
నిట్టూర్పు భారం లా .... నా మదిలో
ఎంతగా ఎదురుచూస్తున్నానో
తెలుసా నీకు,
నన్ను గుర్తించలేని కౌగిలించుకోలేని,
ఇంకా కళ్ళే తెరవని, మొదటి శ్వాసైనా తీసుకోని,
ఓ పసిమనోభావనా!
ఓ పసిపరిమళమా!
నువ్వు, మా ముంగిట ఇంకా
ఉదయించని మా అందమైన వ్యామోహానివి.
No comments:
Post a Comment