పరిక్షగా చూస్తే కానీ కనబడని రూపానివి
మా కళ్ళ ఆశవు ... మాకు అప్సరసవు
దివి నుండి ... భువి విశ్వమానవాళికోసం దిగివచ్చి
మా మనో వినీలాకాశంలో స్పష్టంగా మిగిలిన తారవు
అందం నిర్మలత్వం కలబోసి ... మృదుమనస్కురాలివి
దయ, ఆర్ధ్రత నీ చూపుల్లో
రెక్కల దేవతలా దిగొచ్చావు
ఆనందం, సంతోషం అమృతబాండాన్ని అందించాలని
మా హృదయాల్లో, ఆలోచనల్లో నీవే ఎప్పుడూ
మృదువైన తెల్లని మేఘాల్లా ఆ కురులు
మా నీడై మమ్ము వెలిగిస్తూ
ఆ కళ్ళు ఇంద్రనీలమణిలా చీకట్లో మార్గదర్శకం మాకు
బ్రతకాలనుకోవడానికి కారణం నీవు
పంచడం ఆనందం అని ... నిన్ను చూసి తెలిసుకున్నాము
మంచిని మాట్లాడి, చూసి ... ప్రోత్సహించే దేవతా
నీ లక్ష్యమే, ఉన్మత్తత స్థానే ప్రేమను బోధించడమే మా జీవితం!
No comments:
Post a Comment