ఆశ!

ఆ ధైర్యము ... ఒంటరి పోరాటం
ఆ త్రికరణశుద్ధి ... నిర్మలత్వం
సూటిగా ఉన్నదున్నట్లు మాట్లాడే తత్వం
ప్రకాశమానం ఆ ఆత్మగౌరవం
నా మనసు అయస్కాంతాన్ని చేరే ఇనుప రజనయ్యింది
ఇష్టమనే భావన .... ఉత్సుకతై ప్రేమయ్యింది
ప్రేమలో పడ్డాను
సమాజానికి ... సందేహాలుండొచ్చు
ఆడదాన్నని మరిచిపోకూడదు
అలా మాట్లాడకూడదు అలా ప్రవర్తించకూడదు ...
వినయం అవసరం అనుకోవచ్చు
నిజానికి ఆమె ఆస్తి అదే
నాకు మాత్రం
స్నేహానురాగ బంధాలతో ... ఆమెతో
సహజీవనం ఆరంభించాలని,
ఆమెకు అభ్యంతరంలేకపోతే
ఆమెతో కలిసి ఒకే గమ్యాన్ని చూడాలని ... ఆశ!