చూడలేను ... నీ బాధను

చూడలేను
నీ బాధను
సొట్టలు పడాల్సిన బుగ్గలపై
జారిన కన్నీటి తడిని
నీలో అలజడిని
ఏడుస్తూ నీవు నా ముందు
నిలుచున్నట్లు ... ఊహించలేను!

నీ బాధల్నీ
కారుతున్న నీ కన్నీటిని
ఒక్క ముద్దుతో తుడిచెయ్యాలని ...
ప్రేమోల్లాసాన్నీ
పలుకరింపును ... వినాలని ...
మాటల్లో కాదు
కళ్ళతో, నీ హావభావాల్తో
ముచ్చట్లాడాలని ...


కాలం చేసిన
గాయాల్ని మాన్చే ప్రకృతినై
మనశ్శాంతినై
కష్ట సమయాల్లో నీ చెయ్యందుకుని
నీతో నీ మన్సులో
గూడు కట్టుకుని
శ్వాసనై ...
దైర్యాన్నై ...
ఒదిగి ఉండాలని ... 


చూడలేను
నీ ఏడుపును
ముద్దాడాల్సిన బుగ్గల్ని
చారలమయం చేసే
కన్నీటిని ...!