ఒక సుకుమార,
సున్నిత స్పర్శ
కోరిక, వాంచ నిండిన
గుసగుసల స్వర ఝరి
శరీరాల రాపిడితో ... ఊపిరాడని
బిగి కౌగిలి ... వెచ్చదనం
ప్రణయ రాగ రసం ఎగసి,
సెగ, మంటై ... కాల్చేస్తూ ప్రణయం
మౌనమే బాష
ఆ ఇద్దరి మధ్య
ఉద్వేగం, ఊపిరి వెచ్చదనం
మాటపై నెలబడలేని మనో స్థితే
శరీరాల పలుకులు ... పదాలు
కసి నిజాలే అన్నీ
వెనుదిరిగి చూడలేని
పశ్చాత్తాపము ఆలోచన రాని అలౌకికం
ఒకరినొకరు పొదువుకుంటూ
అది ఆశో, వాంచో, భ్రాంతో
అమూల్యమైన క్షణాల కాలం
పరుగులు తీస్తూ కవ్విస్తుంటే
ఆమె దేవత అతనికి
అతను దైవం ఆమెకు ...
సమర్పణాభావం ఇద్దరిలో
కర్పూరం హారతిలా కరుగుతూ ...
నిశ్శబ్దం, ఒంటరితనమే వారి నేరం
సమాధానం చెప్పుకోవాల్సిన
రేపొకటుంటుందని, పరిణామం
సిగ్గు మోహాల్ని దాచుకోలేనితనం
బాధై మిగులుతుందని
ఈ చీకటి రాత్రి బలహీనావస్థ లక్షణాలు
మోహపు మంటలు చల్లారాక
ప్రశ్నై మిగులుతాయని ఎద ఎరుగదు
వయసు వేడి చల్లారాగ్గానీ మనసుకు తెలియదు!
No comments:
Post a Comment