Monday, October 29, 2012

నేనో కవిని! భావుకుడ్ని!



కవిని
ప్రేమ, బాధ, కన్నీరు, ఆవేశం నాలో
సంఘర్షణ అక్షర రూపం
అనురాగం నా పద పేర్పిడి

కోల్పోతుంటాను.
అప్పుడప్పుడూ,
నన్ను నేను, నా కవితల్లో ...
తిరిగి వాస్తవంలోకి రాలేనంతగా,

ఆ భావనల్లో ...
పాత్రను నేనే అయినట్లు,
మరో ఊహా ప్రపంచంలో ...
జీవితం గూడు కట్టుకుని ... కాపురం చేస్తూ,

అస్తిత్వం లేని,
తెలియని దారిలో,
ఎరగని గమ్యం వైపు ...
ఆవేశం కత్తి అంచు మీద నడుస్తూ,

ఒక భావన, ఒక కవిత ...
కవిత తరువాత మరో కవిత రాస్తూ,
లోతుగా భావ అఘాదాల్ని తట్టుతూ,
మరింతగా నన్ను నేను కోల్పోతున్నాను.

నేనో కవిని!
కవిత రాసేప్పుడు,
నా అస్తిత్వాన్ని నా కవితలో ... కోల్పోతుంటాను!
వెనుదిరిగి రాలేనంతగా ...

No comments:

Post a Comment