నాలో అగ్ని,
ఆవేశం, ఉద్వేగం
వెచ్చదనం మనోసాంగత్యం
కామక్రోధాదిగుణరసం!
నాలో మంచు,
చలి, సీతలత్వం
ద్వేషం విషం
వైమనస్యం మనసు విరుగు లక్షణం!
నేను
సూర్యుడ్నైతే
ఉల్లాసము, ఉత్సాహము, చైతన్యం
నేను
చంద్రుడ్నైతే
విచారము, వ్యాకులము చీకటి దొరతనము!
నేను, ఆమె
మా ఇద్దరి మధ్య సన్నని మార్గం లో
ఇద్దరం కలిసి నడుస్తున్నాము
సంప్రదింపుల సమాలోచనలు చేస్తూ
..........
మా ఇద్దరికీ తెలుసు
మానవాళి యావత్తూ
సృష్ఠి, స్థితి, లయ అనే
భిన్న దశల చైతన్యమే అని
ప్రేమ, ద్వేషం
నిప్పు, మంచు ... జీవన సాగర మదనంలో
మజిలీలే అని ...
ఉష్ణాన్నీ, చలినీ
అవసరేత్యా ఆశ్వాదిస్తూ ... జీవించి ఉంటూ,
ఎదుగుతూ, రేపటి పౌరుల జన్మలకు కారణం మేమే అని
No comments:
Post a Comment