ఆనందవికాసం!

వడిగా పారే ప్రవాహపు బలం
కలతచెందని మనసు ప్రశాంతత
ఆరోగ్యం, ఆనందం, కలిమి కలగలిపి
సామాజికంగా ఎదురుపడ్డ అందరికీ చెందాలని
అందరూ ఆనందంగా ఉండాలని ...

కారణజన్ములే ప్రతి ఒక్కరూ
ఎవరికి వారు వారిలోని శక్తి, నేర్పరితనం
అధికపక్షం సామర్ధ్యం ప్రదర్శించే అవకాశం
ఆనందించే ఆలోచనలు చెయ్యాలనే
ఆశావాదం నిజం కావాలని ...

సర్వోత్తత గురించి ఆలోచించి
సర్వశ్రేష్ఠత కోసం పనిచేసి
ప్రాముఖ్యతను పొందాలని
స్వీయ విజయాన్ని ఆశ్వాదించినంత
ఆనందంగా, ఉత్సాహపూరితంగా
ఇతరుల విజయాన్నీ ఆనందించాలని ...

గతం పొరపాట్లు, తొందరపాట్లు పునాధులై
సాధించబోయే రేపటి విజయాలు
మహత్తైన కార్యాలపై దృష్టిని పెట్టాలని
ఎప్పుడూ చెరగని ఆనందం ముఖభావమై
చిరునవ్వుతో అందరినీ పలుకరించాలని ...

ఎవర్నో విమర్శించే సమయం లేని
ఔన్నత్వం కోసం పరిశ్రమ గమ్యంగా
చింత, కోపం, భయంలేని
సేద్యం చేసే కష్ట జీవిలా
సమశ్యల్ని స్వాగతించే సమాధానాలు కావాలని ...

మంచిని మదించి ఆలోచించి
అరుపుల్తో కాక చేతల్తో
సమాజాన్ని నడిపించి
వెంట నడవాలనే విశ్వాసం పెంచి
నీతి, సత్యం, ఆనందవికాసం ... పొందాలని ...