పరిశుద్ధత

 













ఈ దృష్టి ఇలాగే ఉంటుందా ఎప్పటికీ
అని .... ఆశ్చర్యం
కొన్ని మసకేసి బైర్లు కమ్మిన క్షణాల
గతం .... ఇంకా మదిలో మెదులుతూనే ఉంది.
నా ప్రపంచం, నా పరిసరాలు
సరైనవే అనే .... నా భావనయ్యుండొచ్చు!
ఇది, కేవలం ఒక కలేనేమో అని ....
నేను చేరలేని ఔన్నత్యం
నక్షత్రం గమ్యం చేరాలనే నా కోరిక
నా ఆశ,
ఒక ఆశయ సాధన
నా జీవనావసరం అనే నమ్మకం కావొచ్చు!
నా ఆశల్ని, ఆశయాల్ని, కలల గమ్యాల్నీ
నీ చిరునవ్వులో,
నీ నల్లని కాటుక కళ్ళలో
శోధిస్తుండటం వల్ల కావొచ్చు.
ఏదో ప్రఘాడమైన నమ్మకం తో .....
ఆనందంతో .... తడిచిన కన్నీళ్ళతో
పరిశుద్ధతను అలవర్చుకుంటున్నప్పుడు ....
అవి బాధాశృవులుగా భావించి
తుడుచుకునే ప్రవృత్తి అలవడితే
అది నిజంగా నా తప్పే
నా పొరపాటే
ఆనందాశృవులే తప్ప
దుఃఖాశృవుల్ని .... కార్చమనుకోవడం!