Sunday, December 22, 2013

అతడే మూడుతలల మనిషి



 











అతడు
ఒక శాస్త్రవేత్త.
పదార్ధాన్ని, వాస్తవికతను మాత్రమే నమ్ముతాడు.
హెచ్చవేతలు, కూడికల సమీకరణాలు చేసి,
సమశ్యల గోడల చుట్టూ సమాధానాలు వెదుకుతూ ఉంటాడు.

అతడు,
ఒక మతవాది.
అతని నమ్మకం, అతను చూడని దేనిలోనో ....
అన్నీ చూసేందుకు ప్రయత్నిస్తూ,
ఆ ఊహల రూపాన్ని ప్రతిష్టించి పరమార్ధాన్ని వెదుకుతూ ఉంటాడు.

అతడు
ఒక వేదాంతి.
కళ్ళముందు ఉన్నదంతా భ్రమే అని,
జగము, జీవము, పదార్దమూ అన్నీ మాయే అంటూనే,
ఏది కాదంటున్నాడో దాని మీదే కూర్చుని ఘాటుగా వాదిస్తుంటాడు.

ఒక్క మాటలో చెప్పాలంటే,
అతడు
మూడు తలల మనిషి
తాను పెట్టుకున్న .... రంగు అద్దాలతో ప్రపంచాన్ని చూసి,
ఆ రంగు, ఆ లక్షణమే మూలం అనే భావనను ప్రపంచానికి పులిమేస్తూ ఉంటాడు.

No comments:

Post a Comment