కళ్ళు మూసుకో, భయపడకు
అగంతకుడు వెళ్ళిపోయాడు
ఈ చీకటి చిద్రం కాక తప్పదు
నిన్ను కన్నతల్లిని
నీ పక్కనే తోడు ఉన్నాను.
నీవు నిద్దురపోవాలనుకున్నప్పుడు,
చిరు ధ్యానం చెయ్యి
ప్రతి రోజూ అనుక్షణమూ అన్ని విధాల
నీకు ధైర్యం, నమ్మకం పెరిగి
మనోప్రశాంతత దొరికేవరకూ
ఎన్నినాళ్ళుగానో ఈదుతూ ఉన్నాను
ఈ సంసారం సాగరం జీవితం
ఎదురుచూస్తూ ఉన్నాను
నువ్వు ఎదగాలి తొందరగా అని
అందుకు తొందర తగదని
కాలమే ప్రమాణం చైతన్యానికి
కాలం కన్న వేగంగా కదలలేము
ఎప్పుడైనా, తెలియని మార్గంలో
కదిలే ప్రయత్నం చేస్తున్నప్పుడు
నా అనుభవం చెయ్యందుకో
జరగబోయేదే జీవితం అనుకుని
నీ ప్రయత్నాలు
నీ కలలు
నీ ఆశల
క్రమ సరళి ని నీవే నిర్ణయించుకో
ఓ తల్లీ, ఓ నా ప్రాణమా
నిద్దుర లేస్తునే .... నవ్య చైతన్యం
నవ రాగానివై పురోగమించు
మానవీయత పరిపూర్ణత వైపు
కాంతులు వెదజల్లుతూ
పుట్టగొడుగుల లెక్క ఇన్నిగనం కైత్యాలు రాయబట్టినవేంది సారు.
ReplyDelete