నేనిలా రావడం సరి కాదని
నీ కలల్లోకి
ప్రభావితం చేసేందుకు ....
ఈ రాత్తిరి
అన్నీ అనూహ్యం గానే జరిగిపోతూ
మనసెందుకో నీ వైపే లాగుతుంది.
నీ కళ్ళలోకి చూడాలనిపిస్తుంది.
ఏదో స్పష్టత కోసం
నాలో చెలరేగి నలిపేసే
ఎన్నో శేషప్రశ్నల సమాధానాల కోసం
వృత్తి పరంగా దూరంగా వెళ్ళక తప్పదు
దూరమవ్వక తప్పదని తెలిసాకే
ఈ తపన ....
నీతో గడిపేందుకు
ఈ ఒక్క రాత్తిరి మాత్రమే మిగిలుందనే
నిన్ను మరింత దగ్గరకు తీసుకుని
పొదువుకోవాలనిపిస్తుంది.
ఒకపని చేస్తే ....
నీవు లేని
రేపును దూరంగా ఉంచగలిగితే
ఈ రాత్రే కలకాలం ఉండేలా చేసుకోగలిగితే
అవును,
నీకు చేరువై,
కొన్ని తీపి క్షణాలను
ఎప్పటికీ మరుపురాని కొన్ని మధుర జ్ఞాపకాలను
నీ పరోక్షంలో నెమరువేసుకునేందుకు
దాచుకుని ఉంటే మదిలో ఎంత బాగుంటుంది.
నీవు లేనప్పుడు గుండె పగులకుండా ....
నా కళ్ళు ఇప్పుడే తెరుచుకున్నాయి.
నా అంతరంగం లో
నీపట్ల ఇంత ప్రేమ ఉందని
మనం దూరమౌతావని తెలిసాకే బయటపడింది.
జతగా రావా అని బ్రతిమాడాలనిపించేంతగా
No comments:
Post a Comment