పొడుగైన ఆఫీస్ కారిడార్
లో
నేను కదులుతున్నప్పుడు
నీలో
ఉత్సాహాన్నీ దాయని పలుకరింపు
చిరునవ్వునూ చూసా
నా పిలుపుకోసమే ఎదురు చూస్తున్న
ఉద్విగ్నత నీ నడవడికలో
ఎన్నో
వేల పదాల్లో
చెప్పలేని భావన, ఆదరణ
నా చూపుల్తో .... నేను
నీ ముందు పరిచినప్పుడు
ఎరుపెక్కే నీ బుగ్గల
దాయలేని బిడియాన్ని చూసాను.
అనుకోకుండా ఎప్పుడైనా
నా చెయ్యి తగిలి
నేను సారీ అని చెప్పాలని
నీవైపు చూసినప్పుడు
నీవు
అదేం చిత్రమో
ఒక పాఠశాల అమ్మాయివి
ప్రైవేట్ రంగ సంస్థ
లో
క్షణమైనా తీరికలేని
ఎంతో ఒత్తిడి
ఎంతో బరువు
ఎన్నో బాధ్యతల్ని మోస్తున్న
యువతివి నీవేనా అనిపిస్తుంది,
.... నీలో
ఒక స్కూల్ అమ్మాయిని చూసినప్పుడు,
బహుశ
నేను
నీ పక్కన ఉన్నప్పుడే అనుకుంటా ....
నీలో ఈ పరిణామాలు
మరి
చెప్పొచ్చుగా! ఒప్పుకోవచ్చుగా!
విలక్షణం
నీ దృష్టిలో నేనంటే శ్రద్ద అని,
ఎంత పెంకితనం
ఎంత మొండితనం ఉన్నా
మనసు మాత్రం
నా తోడును
నా సాహచర్యాన్నీ కోరుకుంటుంది అని
No comments:
Post a Comment