నేను నీతో ఉన్నప్పుడు
ఉత్సాహం ఊపిరై .... గాల్లో తేలిపోతున్నట్లు
భావనల్లో కొట్టుకుపోతున్నట్లు,
ఉదయం సాయంత్రమై గడియలు క్షణాలై
అసూయతో ఆ ప్రకృతే
కాల చక్రాన్ని గిరగిరా తిప్పేస్తున్నట్లు అనిపిస్తుంది.
నా కౌగిట్లో నీవు ఉన్నప్పుడు
అభద్రతాభావం చెందొద్దని చెప్పాలనిపిస్తుంది.
నీకు నా తోడు .... అవసరం ఎంతో
నా గుండెకు నీ ప్రేమా లాలన అవసరం అంతే!
గాందర్వం లా నా చెవిలో
మధురం గా నీ ముచ్చట్లు గుసగుసలు
వింటూనే వుండాలనిపిస్తూ .... తనివితీరదు
ఆలశ్యం తగదని ....
అందుకే,
నీ కళ్ళలోకి సూటిగా చూసి .... నన్ను నేను సర్దుకుని,
నవ్వు నిజాయితీ మీద నిలబడి .... మరీ,
నీ ఇష్టమే నా ఇష్టమూ .... కలిసి జీవిద్దాం! సరేనా అన్నది.
నీవు సరే అన్నావు. అప్పుడే మనం
గాలి దూరనంత ఘాడంగా బలంగా దగ్గరయ్యింది!
నిజం!
నీతో కలిసి ఉండటాన్ని
కలిసి సహచరించడాన్ని
శ్వాసించడం కన్నా
జీవించడం కన్నా మిన్నగా ప్రేమిస్తున్నానని
మరోసారి విన్నవిస్తున్నా!
No comments:
Post a Comment