నా హృదయం
రోదిస్తుందని తెలుసు
నీవు ఎదురుగా లేవని
నీతో పంచుకోవాల్సిన ఎన్నో భావాలు
ఇంకా మిగిలే ఉన్నాయని
నీవు
నన్ను హింసిస్తున్నావు
నీ జ్ఞాపకాలతో గతం
మధురోహల మత్తు
నా నర నరాల్లో
దిగమింగుకోలేకపోతున్న ఊసులు
వయసు మీదపడుతూ
జీవితం సారం
అనుభవాలు ఇటుక రాళ్ళు
ఒకదానిపై ఒకటిగా పేరుకుపోతూ
భావోద్రేకపు పలుకులు కొన్ని
పెదాలపైనే మిగిలిపోతున్నాయి
జీవితం ఇంతేనా
అంతా మనోభావం .... ఒక ప్రేమేనా
ఒక అబద్దం ఒక అస్పష్టతేనా
ఒక అయోమయమేనా అని .... అడగాలి
అర్ధం తెలుసుకోవాలి అని
అక్షరాలు కొన్ని .....
అంతరంగలోనే ఆవిరైపోతున్నాయి
నేను భవిష్యత్తు వైపు
నిన్నను మించిన పురోగతి .... రేపు వైపు
కదుల్తూనే ఉన్నా!
నా హృదయం మాత్రం నిన్నలోనే
ఇప్పటికీ నీ ప్రేమ భావనల్లోనే
మధుర స్మృతుల్లోనే ..... రోదిస్తూనే
కన్నీటి ప్రతిబింబాలు .... భావాలు కొన్ని
మనసు గోడల్లోనే ఇంకిపోతున్నాయి!
No comments:
Post a Comment