ఒక నమ్మకం!
ఒక కలిసి ప్రయాణించడం!
అపాయం చెయ్యని రాచపుండు .... దుర్గుణం!
కాలాన్ని తినేస్తూ .... కాలుడ్ని పరామర్శిస్తూ,
ఒదలరాని,
ఒదలలేని,
అనుసరించాల్సిన .... అమూల్య భావం!
ఉచితంగానే పొందేది.
అయినా,
కొనలేనిది.
విలువ కట్టలేనిది.
నా లాంటి,
నీలాంటి,
మనలాంటి .... ఎందరో
సముద్రాలు దాటి,
గగనసీమల్లో ప్రయాణించొచ్చి .... వెతుక్కునేది,
ఉచితమని మాత్రం కాదు.
మనసు పడి,
ఇష్టపడి పొందాలనుకునే బహుమతి!
ఎందరి కళ్ళో పడి పొందాలనుకునే ఒక ప్రియ పోటీ భావం!
నేను పుట్టింది మాత్రం ....
అరుదైన ఆ ప్రేమ కోసమే!
ఎంత మూల్యాన్నైనా చెల్లించాలని ....
మనసు ఆరడిని దాచుకుని,
నా కళ్ళుంది. ఆ ప్రేమను చూడటానికే ....
ఆ ప్రేమ తోడుగా ....
దేశాంతరాలు తిరిగి రావాలని,
ప్రేమంటే ఇదీ అని ....
ప్రపంచమంతా వెలుగెత్తి చెప్పాలని
ఉరకలేసే ఉత్సాహం ....
ఉరుముతున్న ఆవేశం ....
ఆ ప్రేమ కోసమే .... నేను వేచి చూస్తుంది.
ఆ ప్రేమ కోసమే .... నేను వెదుకుతుంది.
ఆ ప్రేమ నా ప్రేమ
ఒక నమ్మకం ....
ఒక ఆరాటం!
ఒక ఆవేశం!
ఒక కలిసి ప్రయాణించడం ....
అపాయం చెయ్యని ....
ఒక చిత్రమైన వ్యాది .... దుర్గుణం!
తెలిసే,
ప్రేమిస్తున్నాను.
ప్రేమను ....
సాహచర్యాన్ని,
స్నేహ సుమ పరిమళాల్ని,
భావ సుమ సుఘందాలు పలువురికీ పంచాలని.
No comments:
Post a Comment