పిల్లా!
డబ్బు అక్కర్లేదు ....
అక్కర్లేదు ....
ఏ అనుకోని అదృష్టం, కీర్తి
బ్రతకడానిక్కావలసినంత
దనవంతుడ్ని ....
పోరీ ....
నీ, నా అవసరాలు తీర్చగలను.
ప్రియా!
సిగ్గును విడిచెయ్యి!
తలుపులు మూసెయ్యి!
తలపుల్లో ఉన్నానని తెలుసు ....
బిడియమెందుకు బయటపడేందుకు?
పడిపోవడానికి .... భయపడను!
భయపడను ....
తోడుండటానికి,
ధైర్యం కలిగించడానికి ....
నా కళ్ళలొంచి
నీలోకి చూడు ....
పిల్లా!
పొరపాటున .... నన్ను
పడెయ్యాలని చూడకు!
నా అంత నేను పడిపోయేందుకు సిద్దం.
ఒడిదుడుకుల జీవితం
పరిస్థితుల ప్రభావం
పిచ్చివాళ్ళ సముదాయం లో
ప్రేమికుడ్ని ఒకడ్ని .... నేను.
పోగొట్టుకునేందుకు విడిగా .... నా వద్దేం లేవు.
పోగొట్టుకుంటాననే భయం లేదు.
అతిగా మునుపెవర్నీ ప్రేమించలేదు ....
పోరీ!
దోచుకునేందుకు నా వద్ద .....
విలువైనదేదీ లేదు.
ప్రియా!
అర్ధం అయ్యేలా చెప్పాలనుంది.
నా వేదాంతాన్ని....
ఎలా చెప్పాలో తెలియడం లేదు.
అర్ధం అయితే ఆనందిస్తావని తెలుసు.
అనుభవానికొస్తే అమరానుభవం పొందుతావని తెలుసు.
అందుకే చెబుతున్నా ....
పిల్లా!
సిగ్గు వలువల్ని విడిచెయ్యి
తలపుల తలుపులు తెరిచి
ఈ రాత్తిరి .... నాతో
లాంగ్ డ్రైవ్ వెళ్ళొద్దాం రా!
పోగొట్టుకునేందుకు ఎమీ లేనప్పుడు ఉన్న
ఆనందం మాధుర్యమేంటో
రుచి చూపిస్తా!
ప్రియా!
మనం బ్రతకడానికి చాలినంత ఉంది నా వద్ద
తోటలో సుముల్లాస పరిమళాలమై బ్రతికేద్దాం రా!
No comments:
Post a Comment