Saturday, October 5, 2013

అశక్తత


ఆ కళ్ళచుట్టూ చీకటి మేఘాలు
ఆ చేతిని నా చేతిలోకి భద్రంగా తీసుకుని
అనునయించాలనుంది.
నేనున్నా నీకు తోడుగా అని
ఒక మంచి మాటేదైనా చెప్పాలి
చిగురంత వెలుగైనా ఒక్కసారి ఆ ముఖంలో చూడాలి అని 
ఉబికొస్తూ కన్నీరు 
దిగమింగుకున్న మాటలు పెగలని ఏడుపు
తెలుసు నాకు
కానీ .... చెప్పలేను
తను, నన్నూ పిల్లల్నీ వదిలెళ్ళిపోబోతుందని
అశక్తుడ్ని! అయినా చూస్తుండక తప్పని స్థితి 
మరణం ఆప్యాయంగా తనను కౌగిట్లోకి
తీసుకోబోతుందని తెలిసీ .... ఏమీ చెయ్యలేక

No comments:

Post a Comment