ప్రేమోదయ గీతం

బాకీపడిపోతున్నానని తెలుసు.
నా ప్రతి ప్రయత్నం, 
ప్రేరణ 
కారణం .... నీవు.
నీ 
నిశ్శబ్దం చూపుల్లో .... ప్రేమ,
నిజంలా, 
ఒక శాశ్వతత్వం లా. 
సామాజిక ప్రాణినై, 
మాట్లాడగలిగి ....
అన్నీ అందంగా చూడగలగడానికి  
కారణం .... నీ ప్రేమ.
నన్నెన్నడూ వొదిలి వెళ్ళ లేదు. 
నీవు ....
నా కళ్ళముందో, 
కలల్లోనో ఉంటూ వున్నావు. 
ఎన్నో 
ఏకాంత స్థలాల్లో తిరిగాను.
కానీ, 
నేను ఒంటరిని కాను.
ఒక సహచరి లా, 
ఒక దేవత లా 
నన్ను సంరక్షిస్తూ 
నీవు. 
నా కలల్లో, 
నన్ను సందర్శిస్తూ ....
అందం, 
అనుకూల చిరునవ్వుతో 
ఉదయం వేళల్లో, నిద్దుర లేస్తూ,
నీ పలుకరింపు .... 
ఒక కమ్మని పాట, ప్రేమోదయ గీతం లా, 
నా గళం లో నానుతూ ....