ప్రేమ ఒక జీవన విధానం

అది ఒక నిజం, నిజమైన ప్రేమ
ఒక భావన, భావనల వికాసం ప్రేమ
ప్రేమించిన వారిచే ప్రేమించబడాలనే కోరిక ప్రేమ

అది ఒక స్పర్శ, స్పర్శలో సున్నితత్వం ప్రేమ
ఒక కలయిక. కలయికలో ఆనందం ప్రేమ
ప్రేమించాను అని, నేనూ ప్రేమిస్తున్నా అనిపించుకోవడం ప్రేమ

ప్రేమ .... ఒక నువ్వు, ఒక నువ్వూ నేనూ
ఒకరినొకరం తెలుసుకోవడం ....
ఒకరినొకరం అర్ధం చేసుకోవడం .... ప్రేమ

అది ఒక స్వేచ్చ, స్వేచ్చగా కలిసుండటం
ప్రేమ .... ఒక జీవనం, జీవించడం లో ప్రేమ
ఒక అవసరం ఒక సహచర్యం ఒక తోడు చే ప్రేమించబడటం

అది ఒకరి అవసరం ఒకరికి ఉండి
ఒకరిస్వేచ్చను ఒకరు కోరుకోవడం
ఒకరినొకరు అర్ధంచేసుకోవడం, అర్ధం కావడం .... ప్రేమ