ఒకదానితో ఒకటి కలిసిపోయి
మచ్చలు, నా చర్మంపై ....
నేను సరిగా లేనని ....
గుర్తుచేస్తూ,
ఎవరికీ, సమాజానికీ సరి కాదని,
గగ్గోలుపెడుతూ ....
ఒక .... అలసట,
అసంతృప్తి,
ఆయాసం నొప్పి,
గుండె పగిలి కాదు
నేను, చెత్తబుట్టలో విస్తరిని .... కాదు,
నాది దుర్వినియోగ బాల్యం కాదు!
ఈ అలసట
అసంతృప్తి,
ఆయాసం నొప్పి,
నా లోనే మొదలయ్యింది
నా నీడను చూసుకున్న ప్రతిసారీ
ఒక స్థిరమైన మేలుకొలుపు లా,
ఎప్పటికప్పుడు
నన్ను హెచ్చరిస్తూ,
తట్టి నిద్ర లేపుతూ
బాహ్యంగా నేను అందగాడివి కానని,
అందంగా
నన్ను చూడటానికి అంతర్నయనాలు కావాలని.
No comments:
Post a Comment