ఈ బంధం బలపడనీ

వంచన లేకుండా
ఒక తపస్వి పాడుకునే శ్లోకం లా,
పవిత్రమైన పదానివి కా!
పరిపూర్ణ మానవుని ఉచ్చారణలా,
ప్రపంచంపై ఆధిపత్యము నీకు తప్పని సరి.
ద్వేషపూరితం నా జాతి ....
స్వార్ధపు ఆలోచనల్ని ముంచెత్తుతూ, 
నీవే నిజం అనే నిజాన్ని ....
సామాన్యుడి నుదిటిమీద రాయి. 
సముద్రాల్ని సాధించి .... శాసిస్తూ,
నరకం వరకూ,
విస్తరించు నీ బాహువుల్ని!
నిన్ను తన్ని తోసేసిన వారిని కూడా చేరదియ్యి! 
మార్గనిర్దేశం చెయ్యి!
మాట్లాడటము, మాటల మలుపుల్లో ....
మన్నింపు మాధుర్యాన్ని పెంచుకునేలా,
ఆనంద, ఆహ్లాద నర్తనలు చేసేలా చెయ్యి!
ప్రేమా! మనిషి మనిషి మధ్య ఈ బంధం బలపడనీ!