నీ కళ్ళ మెరుపును మరిపించే
కాంతి ప్రసరిస్తున్న
నక్షత్రాల వెలుగులు లేని చీకటి రాత్రి
నా భావనల్ని పరుస్తున్నాను.
నీ ముందు .... నీకు తెలియాలని,
నా ఊహల్లో తారవు నీవని,
నీవు .... నా ప్రేయసివి కావొచ్చుగా!
నా హృదయం తలుపులు
తెరిచుంచుతా .... ఎప్పటికీ నీ కోసం.
ప్రేయసీ! .... నన్ను మన్నించు!
నా గుండె గదిలో నిర్బంధించాలని,
నిన్ను ఖైదు చెయ్యాల్నుకుంటున్నందుకు.
నేను పంపిన
నా భావనల, ఆశల
లతలల్లిన పూలు
నీ సిగనింకా చేరలేదు.
అవి అర్ధవంతంగా ఉండాల్సిన చోటు అదే!
నేను నిన్ను కలిసిందొక్కసారే
కానీ, ప్రేయసీ .... నా జీవితానికి సర్వం నీవే!
నా ప్రేయసివి, సహచరివి
జీవన భాగస్వామివి కావా!
నీ చిరునవ్వు,
నీ ఆనందం కావాలి.
నా ప్రపంచంలో ....
నేను ప్రేమ జీవసామ్రాట్టును.
నీవు తోడుంటేనే .... ఓ ప్రియా!
నీకోసం నేను .... ఇక్కడ,
నాకోసం నీవు .... అక్కడ
అని ... కలకంటున్నా!
గమ్యాన్ని చేరాలనుకుంటున్నా!
ఓ ప్రేయసీ రావా .... కలిసుందాం!
కాలాంతం వరకూ .... శ్వాసించినంతవరకూ,
No comments:
Post a Comment