నన్ను క్రిందకు లాగకు.
ఊహల నిచ్చెన మీంచి
నా కలల అలల
నా ఆశల
సింహాసనం మీంచి,
నన్ను క్రిందకు లాగెయ్యకు!
ప్రతిసారీ అనుకుంటుంటా!
అన్నికోణాల్నీ
నీవు చూస్తావని,
కానీ ....
నీవు మేలుకొని ఉండవు.
మత్తులోనే ఎప్పుడూ.
ఒంటరితనంలో
చలిలో మమ్మల్నొదిలి,
నువ్వెళ్ళిపోతుంటావు.
ఏదీ అనుకున్నట్లు, కలగన్నట్లు జరగదు.
ఏదైనా నీవు
తేలిగ్గా తీసుకోవడమే కారణం!
నిజం! నా నమ్మకం చెప్పనా!
ఓ మగడా!
నమ్మినందుకు నన్ను
నట్టేట ముంచేస్తావని భయం!
నా ఆశల
సింహాసనం మీంచి
నన్ను క్రిందకు లాగేస్తావని భయం! నిజం!!
No comments:
Post a Comment