కొత్తగా వచ్చాను.
పట్టణం .... డాక్టరేట్ కోసం
పర్యావరణం ....
రుచి చూద్దామని
నేను,
ఒక అపరిచితుడ్ని, పట్టభద్రుడ్ని!
ఆకాశ హర్మ్యాలు కాదు.
మురికి వాడలు,
రైల్వే ట్రాక్ ల పక్కన ....
కదులాడే,
చీకటి జీవితాల నీడల్ని
కలుసుకుందామని.
నాకు
ఒక మురికి పిల్ల
అవసరం!
నేను
ఒక మురికి అనాగరిక
జీవితాన్ని అధ్యయనం చెయ్యాలి.
ఈ భాగ్యనగరం
మానవ మృగ అరణ్యంలో
యాంత్రిక జీవనాల్లో
కృత్రిమ రసాయనాలు
పూసుకోని ముఖం
అలంకరణ లేని ప్రకృతిరూపం కావాలి.
నాలో నాకు
ఓ నిజమైన మనిషిని,
రాతి స్వభావాన్ని గుర్తుచేసే
పిల్ల కావాలి.
ఓ పిల్లా!
నా ఆలోచనలకు స్వేచ్చ కావాలి.
నాకు .... నా డాక్టరేట్ కు,
ఈ నగర వాడ ల్లోని
సాధారణ, మాసిన
ప్రకృతి సౌందర్యం అవసరం!
ఒక అర్ధంకాని అనాగరిక
అతివ కావాలి .... పరిశోధనకు.
No comments:
Post a Comment