ఎంతకాలం పడుతుందో నీకు
నా హృదయంలో స్థానం లేదని
చూసుకునేందుకు, తెలుసుకునేందుకు ....
మనం పక్కపక్కనే నడుస్తూ ఉన్నా
ఒంటరి ప్రయాణికులము అని
ఈ జగతిలో
మనం అందరమూ ఒంటరులమే
గుండె లోతుల్లోకి చూసుకుంటే ....
చూడలేకపోతున్నాము,
ఎముకలు కప్పిన చర్మపు గూడులం మనం అని
అను క్షణం జీవనంలో, ఆలోచనల్లో
గౌరవం కోల్పోయి .... అదే భాగ్యమని
సరిపెట్టుకుంటున్నాము, చూడలేకపోతున్నాము
ఓ పిల్లా! వొదిలేసెయ్యి కలల ఆశల్ని
నీ నిస్సహాయ పారవశ్యం గమ్యం అని,
ఊహల, రెక్కలు అమర్చుకుని
స్వర్గం లో .... ఒకరినొకరము ముద్దాడాలని,
మట్టిని, భూమిని, సముద్రాన్నీ ....
నాకు బదులు నన్ననుకుని .... ముద్దాడాలనే
నీ కోరికను చూసేందుకు .... నీ గుండెకు కళ్ళు లేవు.
మనం, మన హృదయాలలో
అంతర్లీనంగా .... మనకు మాత్రమే తెలుసు!
మనం చూడలేకపోతున్నామని,
మనం .... ఎముకలపై చర్మం ముసుగేసుకున్న
కృత్రిమ వ్యక్తిత్వాలం, అంతర్చక్షువులవసరమని,
No comments:
Post a Comment