Monday, November 11, 2013

ఓ కవయిత్రీ?

నాతో వస్తావా!
కలిసి నడుస్తావా?
అడుగులో అడుగేసి
చీకటి రహదారిలో
నక్షత్రాల కప్పు .... ఆకాశం కింద
నిశ్శబ్దాన్ని ఆస్వాదిస్తూ,
ముందుకు, ఇంకా ముందుకు
నడుస్తూ,
నాలా నీవూ నిశ్శబ్దం గా ....,
సన్నని ఆ వెలుగు కిరణాల 
దారాలు ఏరుకుని
ఊహాక్షరాల మాలలు అల్లుకుని,
చూస్తున్నావా!?
మన తల పై ....
ఆ నక్షత్రాలతో నిండిన
చిక్కని చీకటి ఆకాశాన్ని.
ఆ నక్షత్రాలు ఒకదానితో ఒకటి
ఘర్షణ పడనంతవరకూ
నిశ్శబ్దం గా,
గాలి గుసగుసలు వింటూ,
భయం వేస్తే
చాదస్త, చపలత్వ శ్లోకాలను
లోలోన పటనం చేసుకుంటూ,
కలలు, ఊహలు, అద్భుతాల భావాలు
ప్రణయ గీతికలుగా రాసుకుంటూ ....,
ఆ రహశ్యం నీవూ తెలుసుకుని,
గొప్ప పేరు తెచ్చుకుందువు గానీ
నాతో వస్తావా .... ఓ పిల్లా?
అన్నట్లు,
నీకు నామకరణం చేస్తున్నాను.
"అగ్ని పుష్పం" నీ కలం పేరు.
నాతో వస్తావా?
కలిసి నడుస్తావా .... ఓ కవయిత్రీ?