కష్టపడుతున్నా!

కాస్త ఎదిగాననుకుంటున్నాను. 
ఒకప్పటి 
ఘనీభవించిన స్తబ్దత 
స్వీయ విధ్వంసం స్థితి నుండి 
పునర్నిర్మాణ లక్ష్యం వైపు 

ఇప్పుడు ....
నన్ను నేను మేలుకొలుపుకుంటున్నాను. 
నిన్నటి నిరాశ, నిస్పృహల 
అసమర్ధ బద్దకపు ఆలోచనల  
నిద్రావస్థ నుండి చేతనావస్థ లోకి

కష్టపడి 
ఇన్నాళ్ళూ కూడబెట్టుకున్న దాచుకునున్న 
చీకటి అవ లక్షణాల్ని
బలహీనతల్ని అధిగమించేందుకు 
శ్రమిస్తూ .... నేను ఎదిగాననే అనుకుంటున్నాను.