Friday, November 1, 2013

బృందావనమదిగో

అరవిరిసిన అందం 
నాకు తెలిసిన బృందావనమదిగో 
నాతో వస్తావా పిల్లా!  
అక్కడ, 
పువ్వుల పరువాలు పరమళిస్తాయి. 
ఇంద్రధనస్సులు దాక్కుంటాయి. 
వర్షించని 
మబ్బుల గొడుగులు 
విస్తరించుకునే ఉంటాయి .... ఎప్పుడూ, 
నాతో వస్తావా పిల్లా! ....
నిన్నూ, నీ ప్రపంచాన్నీ వదిలి, 
చెయ్యీ చెయ్యీ కలిపి ....
వడపోసిన 
సూర్యుని కిరణాల్లో తడుస్తానికి. 
కాలాంతంవరకూ కలిసి నడుస్తానికి. 
ఒకరికి వొకరమై 
ఊహల, ఊసుల గుసగుసలాడటానికి. 
ప్రియ భావనలతో పరామర్శించుకోవడానికి. 
కలిసి కలలు కనడానికి.
ఉల్లాస, ఉద్వేగ రాగాల ....
నవ్వులు ఒకరిపై వొకరం గుమ్మరించుకోవడానికి. 

No comments:

Post a Comment