నీడనై ఉంటాను

 












జీవితం అస్తవ్యస్తమయ్యి
రాత్రుళ్ళు ....
నిద్దుర దూరం అయి,
అన్ని నమ్మకాల్నీ ....
కోల్పోవాల్సొచ్చి,
ఆశలు అణగారి,
గుండె విశ్చిన్నం అయి,
కాలం కలిసిరాని క్షణాల్లో
ప్రపంచం ఒక బందీఖానా లా ....
బయటపడే మార్గం అగమ్యమై,
ఆక్రోశిస్తున్నప్పుడు ....
పోరాడేందుకు అశక్తుడివైనప్పుడు ....

 










నేనున్నాను.
నీ సరసన నడిచేందుకు.
తోడునై నీడగా
ప్రకృతి ప్రకోపం నీపై పడకుండా ....
కన్నీళ్ళను తుడిచేందుకు,
భయాల్ని దూరంగా ఉంచి,
ఉల్లాసం, ఆనందం ....
వెలుగులు పరిచేందుకు,
నిన్ను నీవు కోల్పోయి ....
అయోమయాందకారం లో
విలవిల్లాడుతున్నప్పుడు ....
నేనున్నానని గుర్తు చేస్తూ,

ఎప్పుడైనా,
"ఇక ముందుకు పోలేను.
జీవించడం కష్టం!
నిత్యం భరిస్తూ సాగిస్తున్న జీవితమే
కలలు" అని అనిపించి
అంతలోనే కాదనిపించిన క్షణాల్లో .....
ప్రపంచమంతా ఒక్కటై,
సాదిస్తున్న భావన
నిన్ను వేదిస్తున్న క్షణాల్లో ....
తుఫాను తీవ్రత పెరిగి
సునామీగా మారి
వెలుగనేది నీకు కనిపించనప్పుడు ....
నీ చూపునై,

నువ్వెక్కడ ఉన్నావు?
ఏ పరిస్థితుల్లో ఉన్నావు?
అన్నది, ముఖ్యం కాదు
నీ నీడలా, తోడుగా
నీ వెంటే ఉంటాను.
ఒక కొండలా, కోటగోడలా
రక్షణ కల్పిస్తూ
ఒక మార్గదర్శకుడిలా ....
అందుకే
నా చెంతకు రా!
ఒక తోడుగా, నీడనై ఉంటాను.