నడి రేత్తిరి ఉలిక్కిపాటు.
కలలోంచి గదిలోకి లాక్కొచ్చిన
విధ్యుత్ కోత .... నిద్రా భంగం!
అయినా ఆ వింతవింత అనుభూతులు
ఏవో శబ్ద తరంగాల్లా సున్నితంగా తలలో ....
ప్రతిద్వనిస్తూ, గుసగుసల ఆలాపనలు అలానే.
నెరవేరని కోరికలా ఒక కల కన్నా!
రెక్కలమర్చుచుకుని ఎగరగలనని .... గగనం లోకి
ఈ మహానగరం మీదుగా,
హుస్సేన్ సాగర, బిర్లా టెంపుల్,
ఎత్తైన ఆకాశహర్మ్యాల మీదుగా,
ఆ ఆలాపనను వింటూ .... ఆ అద్భుతాన్ని చేరాలని.
సరిగ్గా అప్పుడు రేండో ఆట ముగిసి
సినిమా హాళ్ళు వదిలేసే వేళ,
కరంట్ పోయి, చల్లని స్వేదం తడి .... అసహనం!
కలలు చెదిరి మంచం దిగాను.
కిటికీలు బార్లా తెరిచాను.
ఆ అద్భుత ఆలాపన లోని మాధుర్యాన్నీ
అర్ధం కాని భావాన్ని ఆస్వాదిస్తూ ఆలోచిస్తూ,
నిజంగా ఎగిరిపోగలిగితే ఎంత బాగుణ్ణు!
నా కలల ఆనందం గగనం లోకి ఎగిరి,
ఆ ఆలాపనను వెన్నడుతూ
హైటెక్ సిటీ, నిలువెత్తు గణేశుని విగ్రహాలు దాటి,
ఎప్పుడో నిజాము చక్రవర్తులు కట్టిన
చారిత్రాత్మక మసీదుల మీదుగా,
ఆ ఆలాపనను ఆ అద్భుతాన్నీ అనుసరిస్తూ,
బలమైన నా కోరికల రెక్కల సాయంతో
ఈ మహా నగరాన్ని మళ్ళీ మళ్ళీ చుట్టెయ్యాలని
హైవేస్, క్రషర్స్ లేపుతున్న దుమ్ము దూళి మీదుగా
నీ ఆలాపనను స్వాగగీతికలా మార్చుకుని
ఆ అద్భుతాన్ని, ఆనందం అంచుల్ని చూడాలని
నా కోరిక, నా మనోభిలాష .... నేను ఎగరాలని.
No comments:
Post a Comment