రాలుతున్న మంచుబిందువును కావాలని
గడ్డిపువ్వుల్ని పలుకరించి ....
సుతారంగా ఆకులమీదకు జారి,
కిరణాలకు ఆవిరినై ....
అమ్మ ఒడి చేరిన పాపలా,
నవ్వుతూ గాలిలో కలిసిపోవాలని.
ఉల్లాసం, మందమారుతాన్నై తిరుగుతూ,
ఇంద్రధనస్సు ను దగ్గరగా చూడాలని ....
చీకటి వేళల్లో ఆ వెన్నెల కిరణాలతో ఆడుకుని,
ఒక ప్రియురాలికిచ్చిన మాట లా ....
ఒక వాగ్దానం లా కోడికూయకముందే లేచి,
కురుస్తున్న మంచులో ఒక బిందువునై ....
మళ్ళీ నిన్ను పలుకరించేందుకు రావాలని.
No comments:
Post a Comment