అలా జీవించాలని

ఏ సారమూ తూగని
ఏ పుష్పమూ
వికసించని పరిమళం
నా ప్రేమ మనోభావన లా
ఒక పుప్పొడి రేణువు లా
ఒక శ్వాస లా
ఒక చిన్న అణువు లా
ఏ శ్వాసక్రియలో నో
ఉత్సాహం, ప్రాణం ఎదుగుదల లా
కొత్త రూపం సంతరించుకుని
రూపాంతరాలు చెంది 
ఒక శాశ్వత రూపు
లక్షణం
ప్రకృతి స్పర్శ పులకరింపు లా
నిలువెల్లా నిండిపోయి
హృదయం లో
ఆత్మ లో
అస్తిత్వం లో
పొంగిపొర్లిపోయి
ఆనందం తో
కాంతి తో
ప్రేమ తో
తిరిగి యివ్వగలిగేలా
నీకు
పరిపక్వత యొక్క సంపూర్ణత్వాన్ని
ఒక ప్రేమ విత్తనం
మనసులో
అలా నాజూకుగా నాటాలని