నేను నీ కలను,
నీ కోరికను,
నీ ఊహానుభూతిని.
నీ ఆశను,
నీ ప్రేమను
నీ ప్రతి అవసరాన్నీ.
లోతుగా, ఘాడంగా,
పీల్చే నా ప్రతి శ్వాసలోనూ
నువ్వూ నీ ప్రేమే! ....
ఎంతో స్థిరంగా నమ్మకంగా,
ఒక కొత్త ఆరంభానికి
నాంధి పలుకుదామనుంది.
ఒక అందమైన
లోతైన అర్ధంతో బ్రతుకుదామనుంది
నీతో కలిసి ఆకాశం అంత ఎత్తుగా
కనిపిస్తూ ఉండాలని
ఆ సముద్ర జలాలలో స్నానించాలని ....
నీతో కలిసి వెచ్చని ఆ సైకతాలపై
వెల్లికిలా పరుండిపోవాలని
ఆ ఆకాశమే విరిగి
మీద పడేవరకూ అలానే ఉండిపోవాలని
ఆ తారలు ఆ వెన్నెల
ప్రకాశంగా వెలుగుతూ
ఆ నీలి ఆకాశం
అందం ఇనుమడించుతున్నప్పుడు
ఆ దేవతల్ని
ఒక కోరిక కోరాలనుంది.
నేననే వెలుగును
స్వర్గానికి చేర్చుకుని
నా దేవిని .....
నిన్ను మనసుతీరా
ఒక్కసారి ఏడిపించమని
అడగాలనుంది.
ఆ ఆనంద భాష్పాలు ....
నిండుతనం నీలో చూడాలనుంది
ఒంటరితనం చుట్టుముట్టిన
ఒంటరి గడియల్లో
నిన్ను కాపాడే ఓ అదృశ్య శక్తి
ఉందనే నమ్మకం నీలో కలిగించాలని
కన్నీళ్ళు నిన్ను కబళించేప్పుడు
నీ పక్కన నేనో హిమవన్నఘంలా ....
ఓ ప్రియా!
నీవు చూడలేకపోతున్నావు కదూ!
ఒట్టేసి చెబుతున్నాను.
ఎంతటి క్లిష్ట సమయాల్లోనూ ....
కనులు మూసుకోకు!
నీముందే నేనుంటా అని మరిచిపోకు.
No comments:
Post a Comment