ఒక తియ్యని బాధ

అకస్మాత్తు నిర్ణయం అది .... అన్నీ సర్దుకున్నావు. 
క్షణాల దూరంలో గడప దాటావు. నేనెంత విచ్ఛిన్నం అయ్యానో తెలుసా! 
అన్నీ నావే, మనవే అనుకున్న ఆలోచనల అంతస్తులమీంచి 
ఏదీ నాది కాదేమో అనే అదః పాతాళానికి జారిపోయాను. 
నాకు నీ అవసరం ఇంత అని ముందెన్నడూ అనుకోలేదు నేను.

కలిసి జీవిస్తున్నందుకైనా అర్ధం చేసుకుంటావనుకున్నా! 
నీవే తొందరపడి నిర్ణయించుకుంటావనుకోలేదు. 
నాకే కాదు నీకూ తెలుసు నీవే అన్నావు ఆనాడు అలా ....
నేను క్రమశిక్షణ లేక నరకం లో నరకప్రాయంగా జీవిస్తున్నానని, 
దాన్ని సరిదిద్దాల్సిన అవసరం ఉందని .... అది నీవల్లే అవుతుందని.

నా ప్రతి లక్షణమూ, నా ఉద్రేక ఉద్వేగాలు నీకు తెలుసని, 
నాకు నీమీద అపరిమిత నమ్మకం! నీ మనసు నిన్ను ప్రశ్నిస్తుందని ....
నేనెందుకు నిన్ను నానుంచి దూరంగా జారుకోనిచ్చాను అని. 
నీ ఆలోచనలు తోడు లేకుండా నేను ఒక రోజైనా ఉండలేనని తెలిసీ 
క్షణమైనా బ్రతకలేనని కొన్నాళ్ళ క్రితమే అనుభవం అయ్యిందని!

నిశ్శబ్దంగా రోదిస్తూ నాలోనే లోలోపల ఆశను కోల్పోయాను .... నేను 
ఆశను కోల్పోయాను నేను .... మళ్ళీ నీ ప్రేమ ఊపిరి ని ఎప్పటికీ తిరిగి పొందలేనని 
ఈ నొప్పికి ఈ బాధ కు ఈ వేదనకు కారణం నీవు పక్కన లేవనేనని 
ఈ జివితమంతా ఇకపై ప్రశ్నలు ఎదురుదెబ్బల క్షతాల మయమే అని 
నమ్మకాన్ని కోల్పోయాను. ఇకపై నాకు ఒంటరితనమే గతి అని

నిజం చెలీ! నన్నిప్పుడు నీవు చూడగలిగుంటే ఎంత బాగుంటుందో అని 
నీకూ అర్ధం అవుతుంది .... ఎడబాటు జ్వరం నన్నెంతగా ఉడికిస్తుందో గమనిస్తావు
ఎంత కష్టమో .... ఈ మనసేమి కోరుకుంటుందో, ఎంత ఆకాంక్షో .... నీవంటే అని
పురుషుడి మనోవ్యధ ప్రకృతి ని కోల్పోయి న నైరాశ్యం .... నా నుదుటంతా పిచ్చిగీతలే
ఆశ్చర్యం అనిపించట్లేదిప్పుడు .... ప్రేమ, సాహచర్యానికీ ఇంత సొగసుందా అని.

ఎన్నో నిద్రలేని రాత్రుల పిదప నమ్మకం కోల్పోయాక ఇప్పుడు అనిపిస్తుంది. 
మళ్ళీ ఈ ఆశలు కోరికలు దాచుకునేందుకు ఒక కొత్త తావి దొరుకుతుందా అని. 
వైరస్ లాంటి ఈ ఆలోచన ఎలా వచ్చింది .... అయ్యో! ఎవ్వరనా నాకు నచ్చ చెప్పరా! 
అనాలోచిత కోపం, పౌరుషం .... ఏ సమశ్యనూ పరిష్కరించ లేదని .... 
ఈ జీవితం లో అది అసాధ్యం అని .... నీ ఆలోచనల్ని దాటి నేను ముందుకు జరగలేనని.

మూడొంతుల జీవితం ముందుంది .... ఎప్పుడైనా నీవు నాకు తిరిగి కనిపిస్తే చాలు.  
ఏ క్షణంలో నైనా .... ఈ బాధ, ఈ విరహం, ఈ నొప్పిని .... పోగొట్టుకునేందుకు 
నీ దాకా వస్తాను. ఏ మాటిస్తానికైనా .... ఏమి చేస్తానికైనా సిద్దంగా ఉన్నాను. 
నాకు దూరంగా జరిగిపోనని .... నా మనసు మాట వింటానని మాటివ్వు చాలు! 
నీకే తెలుస్తుంది .... నీవు కూడా నా అంత ఘాడంగా నన్ను ప్రేమిస్తున్నావని .... చెలీ!