వారి గురించి వారు ఏమనుకుని
మరొకరి స్వచ్చ భావనల ప్రేమను పొంది
ప్రతిగా ఎందుకు అన్యాయం చేస్తారో ....
ఓ స్త్రీమూర్తీ! నాకు తెలుసు!
ఇప్పుడు నీ మనోస్థితి గందరగోళంగా ఉందని
నీ ఎద ముక్కలై,
నీ మది ఒంటరితనాన్ని కోరుకుంటుందని
ఎవరో అల్లిన అబద్ధాల, అబాండాల వలలో
ఉక్కిరిబిక్కిరై .... ఎందుకిలా జరిగిందీ అని,
మదనపడుతున్నావు. అవును,
అబద్ధాలు చెప్పేవారు చెబుతూనే ఉంటారు,
కూలుతున్న గోడలను కడుతూనే ఉంటారు.
తప్పదు వారికి! ఎందుకంటే,
ఆదీ అంతమూ లేనిది అబద్దం కాబట్టి ...
ఎవరు నమ్మినా, ఎవరు నమ్మకపోయినా
చివరివరకూ నిలబడేదీ మాత్రం నిజమే ....
ఆ నిజమే నేను చెబుతాను .... అబద్దం చెప్పను.
నిజం నాలో నిక్షిప్తమై ఉంది కాబట్టే ....
ఓ స్త్రీమూర్తీ!
పుట్టింటి తలవంపులకు కారణమనుకోకు!?
వద్దు! వద్దు!! ఆరోపించుకోకు నేరాన్ని .... నీపై
జీవితం మధ్యలో వచ్చిన ఒక పురుషుడు చేసిన
ఒక పిరికి మాలిన నిర్ణయం,
ఒక పిచ్చివాడి చేష్టకు బలాన్ని చేకూర్చకు!
నీ మనసుకు నచ్చిన ఏ చోటుకైనా నేనూ వస్తాను .... నీతో కలిసి
నీకు సంతోషం కలిగించే పనులేవో తెలుసుకోవాలని,
నా హృదయం లక్ష్యం .... నిన్ను ఉల్లాసంగా ఉంచాలని
నీ మనోపశమనానికి కారణం .... నేను కావాలని
అలా అని అబద్ధాలు చెప్పను
నేను నిన్ను ప్రేమిస్తున్నాను, స్నేహిస్తున్నాను కాబట్టి .... అని,
నీవు ఒంటరితనం కోరుకోవడం కన్నీళ్ళు పెట్టడం సహించను
నిన్ను పరిపూర్ణంగా ప్రేమిస్తున్నానని ....
ఆ ప్రకృతి మాతకు మాత్రమే తెలుసు
నీకు చూసే కళ్ళుంటే
నీవు నా ప్రేమను నా దృష్టి లో చూడగలవు
చూడగలవు .... నా జన్మకు పరమార్ధం నీవనే భావనను
నాకెలాంటి కారణాలూ లేవు ....
నిన్ను దూరం చేసుకునేందుకు
ఎంత బలమైన కారణం అయినా
నీతో నిజాయితీగానే ఉంటాను .... ఓ స్త్రీమూర్తీ
No comments:
Post a Comment