Monday, November 17, 2014

సంఘర్షణ


వెళ్ళిపోదాము అనే ఆలోచనకు ప్రశ్నార్ధకం గా
వెనక్కు లాగుతూ ఉంది నా హృదయం .... నీ వద్దకు
ఎంత నడిచానో
బయలుదేరిన చోటే ఉండిపోతూ
శరీరం ముందుకు లాగుతూ
అవయవాలు సహకరించక అక్కడే ఉండిపోయి

అది సామర్థ్యలోపం అనుకోలేను.
నీనుంచి దూరంగా కదలలేని, ఆత్మ
నీ ప్రేమాకర్షణకు లోనైన ఎద
నీ ప్రతి శ్వాసలోని
నీ ప్రతి నిట్టూర్పు లోని
గోరువెచ్చని వెసులుబాటులా నన్ను ఆవరించి

కామ, మోహ ఆకర్షణలు ఏవో
నన్ను ప్రలోబపెడుతూ .... నాలో తత్తరపాటు
నీ కళ్ళు మెరుస్తున్నాయి .... నీవు
నా అంతర్మదనాన్ని చూస్తున్న భావన
నా హృదయం, నీ హృదయాన్ని చేరేందుకు
ఉబలాట పడటం, నీవు గమనిస్తున్నట్లు ....


చిక్కని చీకటి .... చుట్టూ
కారు మబ్బులు చంద్రుడ్ని కమ్మేసి
ఆకాశం నల్లగా .... ఆరుతున్న దీపాల్లా నక్షత్రాలు
మసక మసకగా మారుతూ
ఓ చెలీ! నా ఆశ .... తియ్యని నీ ప్రేమతో
నువ్వొస్తావనే, నా ప్రేమ ప్రపంచం లోకి