ఎక్కడినుంచో ఒక ఘనమైన ఆహ్వానం
ఆనుభూతి, ఆత్మానందం చేరువ కాబోతూ
బ్రమ కాని, మాయ కాని
విధి నాటకం .... అది.
ఏ తెలియని లోకం నుంచో
ఎవరో నన్ను పిలుస్తూ ....
నేను ఆకర్షితుడ్నౌతూన్నట్లు,
అప్పుడే ఒకప్పటిలా, ఎప్పటిలా
రూపాంతరం చెందీ చెందని మనోఃస్థితి లో
చేరాల్సిన గమ్యం ఎక్కడో ఉండి
అక్కడికే చేరుకుంటున్న
ఆత్మ విముక్తికి చెయ్యందిస్తూ
ఎవరో నన్ను పిలుస్తూ, ఆ ఆంతర్యం
ఘనమైన ఆనందమేదో ప్రసాదిస్తున్నట్లు
No comments:
Post a Comment