ఎందుకు అలా అనిపిస్తూ ఉందో
ఎందుకు .... నీకూ నాకూ మాత్రమే తెలుసని
ఎంతో స్వచ్చము నికార్సైన .... ప్రేమ మనదని
నిజమైన ప్రేమకు అర్ధం మనకు మాత్రమే తెలుసని
అప్పుడే అన్యోన్యత, అప్పుడే సిగ్గు
అంతలోనే గిల్లికజాలు,
అంతలోనే చిలిపి కొట్లాటలు
మొట్టుకుని, గిచ్చుకుని, ఏడ్చి ఓదార్చుకుని .... ఒకరినొకరం
కేవలం నీకూ నాకూ మాత్రమే తెలుసన్నట్లు
నికార్సైన స్వచ్చమైన ప్రేమ
నాలో నీవు, నీలో నేను .... రోజులు, యుగాల తరబడి కనిపెట్టుకుని
ఆనందం, సంతోషం, కష్టం బాధ లను
కలిసి పంచుకుని జీవన యాత్ర కొన సాగిస్తున్నట్లు
No comments:
Post a Comment