ఎంతో సులభం ...
ఊహించడం
ఎంత అందంగా కనిపిస్తావో
నా కళ్ళకు నీవని
అద్భుతం, దైవసంకల్పమేమో
అనిపిస్తుంది ...
నీ చెయ్యందుకున్న ప్రతిసారీ
నాజూకైన నీ స్పర్శ
నీ పెదవులు రాలే పలుకు
మాధుర్యం ... ముత్యాల కోసం
కొట్టుకోవడం మానేసి
వెదుకుతుంది నా హృదయం
నా దృష్టి ...
శ్వాసించే గాలి కన్నా ... అమూల్యమైన
నీ పదాలు పూచే
ఆ అదర పరిమళాల పైనే
నా ప్రతి ఊహలో, కలలో
ఊరించే నక్షత్రానివి, ఆశవి
నా మనసును ఆకర్షించి,
కవ్వించే ... మోహ సుగందానివి.
తోడ్పాటును, శ్రమనై ...
నీతోనే ఉండాలని,
నీ ప్రతి కార్యాచరణలో ...
స్వేదబిందువు కావాలని ... కోరిక!
నా ... శరీరం,
నా హృదయం, నా ఆత్మ
నా ప్రతి ఆలోచనా ... నా ప్రతి ఆవేశం
నీ చుట్టూ నీ నీడలా ఉండాలని కాలాంతం వరకూ ... కోరిక!
No comments:
Post a Comment