ఆలోచించడం అంటే ఏమిటో
అంతగా తెలియదు
ఒక్కోసారి అటు ఒక్కోసారి ఇటు
త్రుళ్ళిపడుతూ
అనాలోచితంగానే తడబడి
పునాదులు కదిలి ఆరంభాన్నీ
అంత్యాన్నీ విస్మరించి
నీ మదిలో విశ్రమించిన విషయంతో సహా
ఒకప్పటి అన్నింటినీ
అస్తిత్వాన్నీ గతినీ మరిచిపోయి
ఉన్న సర్వ జ్ఞానాలనూ కోల్పోయి
అవివేకమే మిగిలి
ఒక మరిచిపోదగిన జ్ఞాపకాన్ని లా
దూరం గా ఉన్న ఒడ్డునే చూస్తూ
సముద్రం లోకి జారి,
అస్థిరతపై ఊగుతూ అపస్మారకం గా
అలలపై కదులుతూ ....
ఒక నీటిబొట్టును మించి ఏమీ కానని
ఓ ప్రత్యేక అస్తిత్వం లేదని
వాస్తవ అలల ఒత్తిడికి సుదూరాన ఉన్న
ఏ ఒడ్డుకో కొట్టుకుపోయేవరకూ ....
ఒడ్డుకు చేరాక ఎవరో గుర్తించేవరకూ
No comments:
Post a Comment