కాళ్ళ క్రింద భూమి
కదిలి కరిగి
కాలానికి సమాంతరంగా
భయానికీ
చావుకు దూరంగా
పరుగులు తీస్తూ ఉన్నాను.
తప్పించుకునేందుకు,
నీనుంచి
ద్వేషము
అబద్ధం
ప్రేమ జీవితాన్నుంచి
భరించలేననుకుంటూ ....
కానీ దొరికిపోయాను నీకు.
నీ ద్వేషానికో ప్రేమకో
ఏరాగానికో మరి
ఎంత వేగం పెంచినా
దూరంగా పోలేకపోయాను.
జీవితం ఒకటుందని
దాన్ని కాపాడుకోవడమూ
నా బాధ్యతే అని మరిచి మరీ ....
నా వెనుక
నా మనో నిర్మాణమంతా
విచ్చిన్నమై
నన్ను అనిశ్చితి పీడకు
సమీపం చేస్తున్నా ....
స్వేచ్చకోసం పోరాటం లా
నీడలా నా వెనుకే
నా జీవితమూ నా బలహీనతలు
పరుగులు తీస్తూ
అకస్మాత్తుగా తొట్రుపడ్డాను.
జారిపోతూ అఘాదాల్లోకి
పడిపోతూ ప్రేమ లోకి
అందులోనే
స్థిమితపడక తప్పని స్థితి.
జీవించక జీవితాన్ని
జీవిస్తూ ....
ఈ ఉపేక్షాయుత జీవనాన్ని
No comments:
Post a Comment