నీ పేరు నా పెదవంచు మీద
నాట్యమాడుతూనే ఉంటుందెప్పుడూ
నిద్దురలోకి జారే ప్రయత్నంలో ఉన్న
రాత్రి వేళల్లోనూ .... ఒక పలవరింత లా
అన్ని వైపులకూ పొర్లుతూ ఉంటావు
నా నాలుక మీద .... నీకు తెలుసు,
ఈ బెట్టు ఈ పట్టుదల .... నీతో
ఏ పోరాటం లోనూ నేను గెలవలేనని
నన్ను ఉక్కిరిబిక్కిరి చేస్తూ
తెలియని ఏ భయానికో నేను లొంగిపోతూ
నీవు మాత్రమే కాదు
నీ చేదు ఉప్ప కన్నీరైనా చాలు
No comments:
Post a Comment