నన్నిలా ఒంటరిగా ఒదిలి ఏమీ జరగనట్లు
నలుగుర్లోనూ కలిసిపోగలుగుతున్నావు
నా ఆలోచనలకు స్పష్టత చేకూర్చకుండానే
నీకూ తెలుసు, నీ కోసమే నేను జీవిస్తున్నాను అని
అందుకే అర్ధిస్తున్నాను
ఒక్కసారైనా వెనుదిరిగి చూడు
నా కళ్ళలోకి సూటిగా అని
నీపై పెంచుకున్న ఆశలను చూసైనా
నీవు నాతో ఆట ఆడుకున్నావనైనా చెబుతావని
నీ కోసం నేను పిచ్చివాడ్నిలా తిరుగుతూ,
అలమటిస్తూ,
లోలోన క్షీణించి దహించుకుపోతూ ....
మరణిస్తున్నానేమో అనిపిస్తుంది.
మార్గం అంటూ ఏమీ కనిపించడం లేదు.
నా హృదయం నా మాట వినడం లేదు.
సగభాగం నీవై ఉంటేనేనని
అచేతనమైపోయి మొరాయిస్తుంది,
మనసేమో పేలిపోయేందుకు సిద్ధం గా
ఇప్పుడో అప్పుడో అన్నట్లు ఉంది.
నా మోకాళ్ళలో ఎందుకో ఒణుకు
వెన్నెముకలో చలి, భయాందోళనలు, అలజడి
చైతన్యం నీ జత తోనే సాధ్యం అన్నట్లు
నిజంగా అలా ఒక దృశ్యం లా నీవు జరిగిపోవాలనుకుంటే
కనీసం భోదించనైనా భోదించాలి.
నా మది సంక్షోబాన్ని ఎలా తట్టుకుని ఎదుర్కోవాలో
ఈ నొప్పి ఈ బాధ ఈ వైరాగ్యం దూరం ఎలా చేసుకోవాలో
నీ మనసుకు అలా అనిపిస్తున్నట్లు
నీకదలికల్లో తెలియడం లేదు
అర్ధం చేసుకుంటావనుకుంటున్నాను, నా మనోవేదన ....
ఇప్పటికైనా దురంగా జరిగిపోనని మాటిస్తూ
No comments:
Post a Comment