నిద్దుర లేని
ఉలికిపాటు గడియలే తలతిప్పి చూస్తే
వెచ్చని భుజాలపై
సుతారంగా
చేతి వేళ్ళు
కదిల్చిన జ్ఞాపకాల మధుర క్షణాలే
శంఖం లాంటి మెడ మీద చేతి వేళ్ళ కదలికలు
దిండు ఆసరాగా
వెన్నును వాల్చి విశ్రమిస్తున్న ప్రాణం
వెన్నెముకను తడిమినప్పుడు
నిదురిస్తున్న చర్మం మేల్కొని
దృడపడిన కండరాల ప్రతి స్పందనల లా
పెదవులపై నాలుకను కదిపి తడిపినప్పుడు
చిగురించిన తేమ మెరుపులు
మెత్తటి మేకులు
గుండె పై గుచ్చిన వైద్యం భావనలతో
ఉదరం నర్తించిన గతం అనుభూతులు దృశ్యాలై
బలవంతపు పీడ
నిట్టూర్పు లా .... అనవరతమూ
మదిలో మిగిలిపోయిన మరకల లా
శాంతంగానే ఉన్నట్లు ఉండి
ఊరిస్తూ అప్పుడప్పుడూ
ప్రకోపింపిస్తూ .... మది అస్థిమితమౌతూ
జ్ఞాపకాల తేనె తుట్టె కదిలి
ఒక శారీరక ఆపేక్ష
ఒక మానసిక అలజడి
ఒక తీరని మనో వాంచగా పరిణమించి
గుండె చప్పుడుకు తోడు, ఒక భారమైన నిట్టూర్పు లా
No comments:
Post a Comment