నేను కాదు చెప్పాల్సింది.
నీవు నన్ను ప్రేమిస్తున్నావని,
కలిసి జీవించాలనుకుంటున్నావని.
నేను నిన్ను ఒక సంరక్షకుడ్ని లా,
ఎంతో జాగ్రత్తగా చూసుకుంటున్నానని.
ఏమీ అనుకోకేం!
ఊహించని రీతిలో ఇప్పుడో అప్పుడో
ఒక్కో క్షణం నేను,
నీ అపరిమితమైన
ఆకర్షణకు లోనౌతున్నందుకు
ఆత్రంగా నిన్ను దగ్గరకు లాక్కుని,
పెదవులపై పెదవుల్తో
అర్ధం కాని, అర్ధం లేని ....
ఊసుల గుసగుసలాడినట్లు
కలలు కంటుంన్నందుకు.
నేను,
నా కనుచూపు మేర ....
ఒక పవిత్ర బంధాన్ని
మన ప్రేమ విజయాన్ని,
స్వర్గాన్నే చూస్తున్నాను.
నిజం నెచ్చెలీ!
నా మదితో నీ మది పలికే మాటలు
మన సాహచర్యం మధురిమలు
పంచుకునేకొద్దీ,
పెరిగే ప్రేమ వెలుగులే అవి.
ప్రతి రోజూ,
నీవు నాలోనే అని ....
నీవూ నన్ను ప్రేమిస్తున్నావని,
చెప్పాల్సిందీ,
మనసు విప్పాల్సిందీ నేను కాదు.
No comments:
Post a Comment