ఎక్కడో పుట్టి
ఇంకెక్కడో పెరిగాను.
ఒక అమ్మ కడుపులో రక్తపు ముద్దను.
ఒక అమ్మ ఒడిలో వెన్నముద్దను.
వేణుగోపాలుడ్ని నేను.
ఓ మహిళా
నీవూ నాలానే
జన్మించిన ఇంటిని వొదిలి,
తెలియని ముంగిట్లో రంగులద్దావు!
ఆ బ్రహ్మ కార్యానికి ఆలంబనయ్యావు.
నా ఇద్దరు అమ్మల్నీ నీలో చూస్తున్నా!
అందుకే అడుగుతున్నా!
ఓ అమ్మా!
జన్మదినమని నాకు కేకులెట్టేస్తావేమో!
నాకు నీ ప్రేమ, వెన్నముద్దే ముద్దు!
ఓ మహిళా!
No comments:
Post a Comment