Tuesday, August 4, 2015

ఒంటరిప్రేమ


నేను, నీపక్కన లేను .... నీ జతనై
నీ కన్నీరు తుడిచేందుకు
నిన్ను రోదించకుండా చూసేందుకు
నేను ప్రేమించింది, ప్రేమిస్తుంది.
కారే ఆ కన్నీటిని కాదు .... నిన్ను,

నిజం గా నాకు జ్ఞాపకం లేదు.
చివరిసారి ఎప్పుడు నీ నవ్వులు చూసానో ....
చూసానో దివ్య మనోహర సౌందర్యాన్ని
నీ ఆనందాన్ని అందాన్ని,
వర్ణించలేని ఆ అనుభూతిని

నిజం పిల్లా! ఎంత వింత అనుభూతో
ప్రేమించడం, ప్రేమించబడటం
అన్నీ ఉండి దూరంగా ఒంటరిగా
జ్ఞాపకాల
తేనె గూడుకట్టుకుంటూ జీవించడం 


చిత్రమైన నిరాసక్తతను
విరామ సంకేతాన్నీ చూస్తున్నా ....
నీ కళ్ళలో ....
ఇప్పుడు .... అయినా
నిన్నొదిలి వెళ్ళాలని లేదు, నాకు

ఎంత కొరతదనమో, ఎంత పీడో ....
నీకు దూరంగా ఉండటం 
ఎడబాటు పీడలోని తియ్యదనం 
ఒంటరి ఆనందం కు
నీవు బానిసవైపోతావనే .... ఈ భయం

No comments:

Post a Comment